साखरपा (रत्नागिरी) : दाभोळे येथे रहाते घर फोडून अज्ञात दरोडेखोरांनी घरातील रोख रक्कम आणि दागिने मिळून एक लाख 90 हजारांचा ऐवज लंपास केला आहे. घरातील कुटुंब एक रात्र बाहेर गेल्याचा फायदा घेत चोरट्यांनी हा डल्ला मारला आहे.
ह्याबाबत देवरुख पोलिस स्थानकातून मिळालेल्या माहितीनुसार
दाभोळे बाजारपेठेत राजाराम मारुती मांगलेकर वय 60 हे आपले सरकार सेवा केंद्र चालवतात. गुरुवारी संध्याकाळी मांगलेकर हे सायंकाळी पाच वाजण्याच्या सुमारास आई आणि पत्नी यांच्यासह लांजा येथे राहणाऱ्या आपल्या मुलाकडे गेले. शुक्रवारी सकाळी दहा वाजण्याच्या सुमारास ते परत आले तेव्हा त्यांना घराचा कडी कोयंडा चोरट्यांनी कोणत्यातरी हत्याराने तोडलेला आढळला. घरात गेल्यावर चोरी झाली असल्याचे त्यांच्या निदर्शनास आले. घरातील एक लाख 20 हजारांची रोख रक्कम आणि 70 हजारांचे सोन्याचे दागिने चोरीला गेले आहेत. यात सोन्याचा एक हार आणि दोन झूमके यांचा समावेश आहे.
ह्या प्रकरणात देवरुख पोलिसांनी अज्ञात व्यक्ती विरोधात भा द वी कलम 454, 457, 380 नुसार गुन्हा दाखल केला आहे. अधिक तपास पोलिस निरीक्षक निशा जाधव आणि सहाय्यक पोलिस निरीक्षक तुषार पाचपुते करत आहेत
संपादन- अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.