Dapoli Coastline Buzzes with Tourists as Long Weekend Sparks Early Tourism Season
Sakal
दापोली : सलग आलेल्या सुट्ट्यांची पर्वणी साधत पर्यटकांनी दापोलीच्या निसर्गरम्य किनारपट्टीकडे धाव घेतल्याने तालुक्यात पर्यटन हंगामाची चाहूल अधिक तीव्र झाली आहे. मुरूड, कर्दे, सालदुरे, लाडघर, पाळंदे, आंजर्ले आणि केळशी येथील समुद्रकिनारे पर्यटकांच्या गर्दीने गजबजून गेले असून, किनारपट्टीवरील रिसॉर्टमध्येही पर्यटकांची वर्दळ वाढली आहे. हर्णै बंदरातील मासळी बाजारातही गेल्या दोन दिवसांत मोठी लगबग पाहायला मिळाली. त्यामुळे पर्यटन व्यावसायिकांमध्ये उत्साहाचे वातावरण निर्माण झाले आहे.
