निदान एकवेळचे तरी अन्न मिळावे म्हणुन देवरुखकर आले मदतीला...

साडवली (रत्नागिरी) :कोरोनामुळे बाजारपेठा बंद आहेत.तरीही देवरुख बाजारपेठेतील दुकानदारांनी गोरगरीबांना धान्य व आवश्यक वस्तु देण्यासाठी ५० हजार रुपये जमवले तसेच विविध संस्थानाही मदत करायला लावून लाखाचा माल गोरगरीबांना देवून माणुसकी जपली.

देवरुख बाजारपेठ व्यापारी संघटनेने प्रशासनाला सहकार्य केले.व्यापारी वर्गाने आवाहन करुन सामाजिक बांधिलकी म्हणुन ५० हजाराचा निधी गोळा केला.व्यापारी दरात ना नफा ना तोटा दरात जिन्नस पॅकेट तयार केली व त्याचे आवश्यक कुटुंबाना वितरण करण्यास सुरुवात केली आहे.

हेही वाचा- कोकण रेल्वे आर्थिक मदतीसाठी आली पूढे..... कर्मचाऱ्यांनी घेतला हा र्निणय...

गावकरी आले मदतीला..
देवरुख मधील व्यापारी वर्गाच्या या मोहिमेत संस्था संघटना सहभागी झाल्या.आकार ऑर्गनायझेशन युवा विभाग,संगमेश्वर तालुका बॅडमिंटन क्लब,महाराष्ट्र नवनिर्माण सेना देवरुख शहर,देवरुख लायन्स क्लब,संगमेश्वर तालुका प्रेस क्लब आदिंनी यात योगदान दिले आहे.बाबा सावंत,कांता पोकळे,निलेश चव्हाण,मंगेश प्रभुदेसाई,उल्हास नलावडे,संजु पटेल,प्रमोद हर्डीकर,राणु कोचिरकर,सागर संसारे भोलु पटेल अभिषेक अग्रवाल,राजु जागुष्टे आदिंसह सर्व सहकार्‍यांनी यात योगदान देवून माणुसकी जपली.

हेही वाचा- पेट्रोल पंप चालकांची अशीही मनमानी

जपली माणुसकी.
कोरोनामुळे सर्वच व्यवहार ठप्प झाले आहेत.दळणवळणाची साधने नसल्याने अनेक कुटुंबांना उपासमारी घडत आहे.या कुटुंबांना निदान एकवेळचे तरी अन्न मिळावे म्हणुन बाजारपेठ बंद असुनही व्यापारी वर्गाने निधी गोळा करुन अन्नधान्य देवून सामाजिक बांधिलकी जपली.संस्था ,संघटना ,राजकीय पक्ष,पञकार यांनीही यात हातभार लावून लाखमोलाची कामगिरी पार पाडली.