धक्कादायक: कोविड सेंटरमध्ये डॉक्‍टरच खेळू लागले क्रिकेट

खेड (रत्नागिरी) : खेड नगरपालिकेच्या (Khed Municipality)कोविड केअर सेंटरमध्ये कोविड (Covid Center)रुग्णांबरोबर तेथील डॉक्‍टरच क्रिकेट खेळत असल्याचा धक्कादायक प्रकार समोर आला आहे. क्रिकेट खेळ (cricket)रंगल्याचा व्हिडिओ व फोटो शहरात समाजमाध्यमांवर प्रसारित झाल्यामुळे हा प्रकार सर्वांच्या नजरेस आला. पालिका प्रशासनाने याची दखल घेतली आहे.

doctors started playing cricket in khed Kovid Center Ratnagiri news

गेले अनेक महिने नगरपालिकेच्या दवाखान्यात हे कोविड सेंटर सुरू आहे. येथे अंशतः बाधित रुग्णांवर उपचार केले जातात. काही दिवसांत हे रुग्ण बरे झाल्यानंतर दिवसभर काय करायचे, हा प्रश्‍न त्यांच्यासमोर असतो. त्यासाठी चुकीच्या पद्धतीने येथील कोविड सेंटरचा उपयोग केला जात असल्याची प्रतिक्रिया हा प्रकार उघड झाल्यावर व्यक्त होत आहे. रुग्णांवर सकारात्मक उपचार करण्याचे अनेक उपाय असताना, कोविड सेंटरमध्ये चक्क क्रिकेट खेळले जात असेल तर ते चुकीचे आहे.

विशेष म्हणजे कोविड सेंटरचे प्रमुखच जर याला परवानगी देऊन स्वतः त्यात सहभागी होत असतील तर रुग्णांसाठी ते नको असेल तरच नवल. पण असा खेळ कोविड रुग्णांसाठी कधी कधी जीवघेणाही ठरू शकतो. काही दिवसांपूर्वी या सेंटरमध्ये एका बरा झालेल्या रुग्णाने मायकल जॅक्‍सनसारखा डान्स केल्याचा व्हिडीओदेखील व्हायरल झाला होता. समाजमाध्यमावर पसरलेल्या या प्रकाराची खेड पालिका प्रशासन गंभीर दखल घेणार आहे.

हेही वाचा- माजगावात खळबळ: आठ दिवसात निगेटिव्हचा रिपोर्ट झाला पॉझिटिव्ह

कोविड सेंटरमध्ये क्रिकेट खेळणे हा प्रकार फार गंभीर असून, तेथील प्रमुख डॉक्‍टरना कारणे दाखवा नोटीस देणार आहोत.

- प्रसाद शिंगटे, मुख्याधिकारी, खेड पालिका