

Heritage Discovery: Durgavedh Parivar Unearths Lost Historical Well Near Sarasgad
Sakal
पाली : येथील किल्ले सरसगडच्या कुशीत दडलेल्या अद्वितीय कालखंडाची साक्ष देणाऱ्या ऐतिहासिक पाऊलखुणा शोधण्यात दुर्गप्रेमींना मोठे यश आले आहे. विख्यात इतिहासाचार्य वि. का. राजवाडे यांनी पूर्वी वाचन केलेला, परंतु काळाच्या ओघात विस्मरणात गेलेला ‘श्री दातार यांच्या विहिरीवरील ऐतिहासिक शिलालेख’ आणि ती विहीर शोधून काढण्यात ‘दुर्गवेध परिवार’ संस्थेला यश आले आहे. सलग ३ महिन्यांच्या अथक शोधमोहिमेनंतर या ऐतिहासिक वारशाला अखेर मोकळा श्वास मिळाला आहे.