माणगाव खोऱ्यात `या` पुलावर पाणी आल्याने 27 गावे संपर्कहीन 

माणगाव ( सिंधुदुर्ग ) - खोऱ्यात गेले दोन - तीन दिवस मुसळधार पाऊस पडत आहे. पावसामुळे अनेक पुलावर पुराचे पाणी आले होते. मंगळवारी (ता. 4) सायंकाळी आंबेरी पुल पाण्याखाली गेला.

त्यामुळे माणगाव खोऱ्यातील सुमारे सत्तावीस गावांचा संपर्क तुटला. त्यामुळे अनेकजण अडकुन पडले होते. पाण्याचा प्रवाह जोरात असल्यामुळे पुला लगतच रस्ता खचला आहे. त्यावरील डांबरमिश्रीत खडीचे थर उखडले आहेत.