Marine Tourism in Maharashtra Gets Major Push as INS Guldar Heads to Nivati Coast
sakal
मालवण : महाराष्ट्र सागरी मंडळ (मुंबई) आणि मत्स्यव्यवसाय विभागाच्या वतीने सिंधुदुर्गच्या सागरी पर्यटनाला जागतिक स्तरावर नेणारा एक ऐतिहासिक प्रकल्प आकारास येत आहे. मागील दोन ते तीन वर्षांपासून चर्चेत असलेले भारतीय नौदलातून निवृत्त झालेले ‘ईएक्स आयएनएस गुलदार’ हे भव्य जहाज पाण्याखालील संग्रहालयात रूपांतरीत होण्यासाठी सज्ज झाले आहे. आज हे जहाज विजयदुर्ग बंदरातून ‘टग’ बोटीच्या साहाय्याने निवती लाईट हाऊसच्या दिशेने रवाना करण्यात आले.
