रत्नागिरी : कोरोनासारख्या फैलावणाऱ्या साथीच्या आजारात बाधित झालेल्या रुग्णांवर होमिओपॅथीने उपचार शक्य आहेत. रुग्णाची प्रतिकारशक्ती वाढवण्यावर होमिओपॅथीचा भर असतो. सध्या कोरोना फैलावणाऱ्या विषाणूंवर नेमके प्रतिजैवक (ऍन्टिबायोटिक) उपलब्ध नाही. अशावेळी एकात्मिक औषध योजनेचा विचार करून एकापेक्षा अधिक पॅथींद्वारे उपचार करता येतील, असे प्रतिपादन डॉ. शिवाजी मानकर यांनी केले.
बाधित रुग्णांवर उपचार करण्याची संधी प्रशासनाने दिली, तर आपण रुग्णांवर उपचार करण्यास तयार आहोत, असेही त्यांनी सांगितले. गेली 33 वर्षे ते रत्नागिरी व चिपळूण येथे प्रॅक्‍टिस करीत आहेत. हेनमन स्कूल ऑफ होमिओपॅथी (लंडन) येथून त्यांनी पोस्ट ग्रॅज्युएशन केले आहे. डायबेटिक फूटवर त्यांचे विशेष संशोधन आहे. कोरोनावर होमिओपॅथीआधारे उपचार करण्याबाबत "सकाळ'शी बोलताना ते म्हणाले,
व्यक्तीगत लक्षणांच्या अभ्यासाद्वारे औषधे
होमिओपॅथीनुसार रोगजंतू वा विषाणू हेच केवळ रोगाचे कारण नसून प्रत्येकाची प्रतिकारशक्ती रोगाने बाधित होणेही रोगाच्या तीव्रतेला कारणीभूत होते. जंतू वा विषाणूंनी बाधित रुग्णाच्या संपर्कात येणारे काहीजण रोगबाधित होत नाहीत. काहींमध्ये काहीच लक्षणे आढळत नाहीत. व्यक्तिगणिक असणाऱ्या प्रतिकारशक्तीमुळेच हे असे होते. जंतू वा विषाणूला मारणारे प्रतिजैविक (ऍन्टिबायोटिक) कोरोनाबाबत अद्याप सापडले नसल्याने हतबल होण्याची वेळ उपचार करणाऱ्यांवर येते. ही हतबलता होमिओपॅथी उपचाराने कमी करता येणे शक्य आहे.
हेही वाचा- इचलकरंजीत गर्भवती महिलेवर उपचारासाठी फरफट: थेट तक्रार मंत्रालयात
अशा लोकांच्या साथीच्या काळातील लक्षणे
ज्यांना किडनीचा आजार आहे अथवा अस्थमा आहे, क्षयासारखा चिवट आजार आहे अथवा दीर्घकाळ तक्रारी आहेत, अशा लोकांच्या साथीच्या काळातील लक्षणांत बराच बदल असतो. अशांच्या लक्षणांचा अभ्यास केल्यावर त्यासाठी स्वतंत्र औषध योजना होमिओपॅथीमध्ये करता येते. अशावेळी विविध वैद्यक शाखांनी कोणताही दुजाभाव न करता खांद्याला खांदा लावून या साथीचा मुकाबला केला तर निश्‍चित शीघ्रगतीने आणि यशस्वी उपचार निश्‍चित शक्य आहे.
हेही वाचा- कोरोना करतोय कुडचीचा घात ; शहर घेणार लवकरच यू-टर्न....
सोशल डिस्टन्सिंग महत्त्वाचे
सध्या ऍलोपॅथीकडे कोरोनावर नेमके औषध नाही. अशावेळी सोशल डिस्टन्सिंग अर्थातच महत्त्वाचे आहे. ऍलोपॅथीची औषधे अथवा उपचार सुरू असताना होमिओपॅथीची औषधे देण्यास कोणताही प्रत्यवाय नाही. एकावेळी एकापेक्षा अधिक पॅथी वापरून (इन्टिग्रेटेड मेडिसिन) रुग्णावर उपचार करता येतील. असे डॉ. मानकर यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.