बांदा - गोव्यातून सिंधुदुर्गात होणार्या बेकायदा गोवा बनावटीच्या दारु वाहतुकी विरोधात राज्य उत्पादन शुल्कच्या कोल्हापूर भरारी पथकाने आज कारवाई केली आहे. यात ३५ दारुचे खपके व दारु वाहतूक करण्यासाठी वापरलेली मोटार असा एकूण २ लाख ६९ हजार ६०० रुपयांचा मुद्देमाल जप्त केला. बेकायदा दारु वाहतूक प्रकरणी प्रथमेश प्रभाकर राऊळ (वय २६, रा. मोरेवडाचे टेंब, वाडोस, ता. कुडाळ) या युवकाला अटक करण्यात आली. दारु वाहतुकीसाठी वापरलेली अल्टो मोटार (एमएच ०२ बीडी ३५२३) ताब्यात घेण्यात आली. ही कारवाई बांदा-पत्रादेवी मार्गावर करण्यात आली.
गोव्यातून सिंधुदुर्ग जिल्ह्यात बेकायदा दारु वाहतूक होणार असल्याची पक्की माहिती कोल्हापूर भरारी पथकाला मिळाली होती. त्यानुसार कोल्हापूर विभागीय उपायुक्त यशवंत पवार यांच्या मार्गदर्शनाखाली निरीक्षक पी. आर. पाटील, उपनिरीक्षक आर. जी. येवलुजे, कुमार कोळी, जवान सुशांत बनसोडे, विलास पवार, अमोल यादव, कृष्णात पाटील व दीपक कापसे यांच्या पथकाने बांदा-पत्रादेवी रस्त्यावर सापळा रचला होता.
गोव्यातून सिंधुदुर्ग जिल्ह्यात येणाऱ्या अल्टो मोटारीला तपासणीसाठी थांबविण्यात आले. मोटारीच्या पाठीमागील डिकीत गोवा बनावटीच्या विविध ब्रँडचे ३५ दारूचे खोके बेकायदा आढळले. पथकाने दारूसह अल्टो मोटार जप्त करत चालकावर अटकेची कारवाई केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
