Jaygad Chiplun Satara Highway : मुंबई-गोव्यानंतर आता 'हा' तिसरा महामार्ग बदलणार कोकणाचे रूप; चिपळूण बनणार लॉजिस्टिक हब, पाहा कसा असेल मार्ग

Jaigad Chiplun Satara Expressway : कोकणची किनारपट्टी आणि पश्चिम महाराष्ट्रातील महत्त्वाच्या जिल्ह्यांमधील अंतर ऐतिहासिकदृष्ट्या कमी करण्यासाठी केंद्र सरकारने एक मोठा निर्णय घेतला आहे. जयगड-चिपळूण-सातारा हरितक्षेत्र द्रुतगती महामार्गासाठी सल्लागार नियुक्तीची निविदा प्रक्रिया सुरू झाली आहे. त्यामुळे मुंबई-गोवा आणि गुहागर-विजापूर महामार्गानंतर आता जयगड-चिपळूण-सातारा हरितक्षेत्र द्रुतगती हा तिसरा महामार्ग चिपळूणमधून जाणार आहे. चिपळूण लॉजिस्टिक हब बनण्याची ही मोठी संधी निर्माण झाली आहे.