Woman assaults police personnel in Sindhudurg
esakal
कणकवली : येथील पोलिस ठाण्याच्या प्रभारी अधिकाऱ्याला पोलिस ठाण्यातच मारहाण केल्याचा, तसेच महिला पोलिस कर्मचाऱ्यांच्या शासकीय गणवेशाची कॉलर पकडून धक्काबुक्की केल्याचा धक्कादायक प्रकार समोर आला आहे. निशिगंधा दत्ताराम बागवे (वय अंदाजे ३०, रा. फातिमानगर, पुणे) असे संबंधित महिलेचे नाव (Kankavli police station assault incident) आहे. मद्यधुंद अवस्थेत कणकवली बाजारपेठेत आरडाओरड व शिवीगाळ करून सार्वजनिक ठिकाणी गोंधळ घातल्याप्रकरणी तसेच पोलिसांच्या शासकीय कामात अडथळा आणल्याप्रकरणी तिच्याविरुद्ध येथील पोलिस ठाण्यात गुन्हा दाखल करण्यात आला आहे.