Dadar Ratnagiri Passenger Train
esakal
खेड : मुंबई आणि उपनगरांमध्ये वास्तव्यास असलेल्या लाखो कोकणी चाकरमान्यांसाठी अत्यंत महत्त्वाची असलेली ‘दादर-रत्नागिरी पॅसेंजर’ रेल्वेसेवा पुन्हा सुरू करण्याची मागणी मध्य रेल्वे प्रशासनाने फेटाळून लावली (Dadar Ratnagiri passenger train restoration demand) आहे. रेल्वेमार्गाची मर्यादित क्षमता, दादर स्थानकातील अपुऱ्या सुविधा आणि दिवा - दादरदरम्यान मार्ग उपलब्धतेतील अडचणी, अशी कारणे प्रशासनाने पुढे केली आहेत; मात्र, इतर मार्गांवर नव्या गाड्यांना हिरवा कंदील दाखवला जात असताना कोकणच्या हक्काच्या गाडीला नकार दिल्याने प्रवाशांमधून तीव्र संताप व्यक्त होत आहे.