वैभववाडी - मुसळधार पावसामुळे आज सायंकाळी पाचच्या सुमारास करूळ घाटात दरड कोसळली. दगड, माती आणि झाडांचा मोठा ढिगारा रस्त्यावर आला आहे. त्यामुळे वैभववाडी-गगनबावडा मार्गावरील वाहतूक ठप्प झाली आहे. बांधकाम विभागाने जेसीबीच्या सहाय्याने दरड हटविण्याच्या कामाला सुरवात केली आहे.
आज दुपारनंतर तालुक्यात पुन्हा मुसळधार पाऊस झाला. या पावसाचे प्रमाण घाटक्षेत्रात अधिक होते. त्यामुळे पाचच्या सुमारास करूळ घाटात मोठी दरड कोसळली. दगड, माती आणि झाडे रस्त्यावर आली आहेत. त्यामुळे वैभववाडी-गगनबावडा मार्गावर सुरू असलेली वाहतूकदेखील ठप्प झाली आहे. घाटात दरड पडल्याचे समजताच बांधकाम विभागाचे कर्मचारी घटनास्थळी दाखल झाले आहे. त्यांनी जेसीबीच्या सहाय्याने दरड हटविण्यास सुरवात केली आहे. दरडीने सुमारे साधारणपणे 60 ते 70 फूट रस्त्याचा भूभाग व्यापल्यामुळे ही दरड हटविण्यासाठी किमान दोन दिवस लागण्याची शक्यता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
