रत्नागिरी - कोकण रेल्वेची स्वमालकीची लाल करड्या रंगाची एलएचबी कोचेसची मांडवी आणि कोकणकन्या एक्‍सप्रेस सोमवारी (ता.10) नियमित सेवेत रूजू होत आहे. नविन रूपात येणाऱ्या या गाडीत प्रवाशांना जास्त सुविधा मिळणार आहेत.
कोकण रेल्वेच्या पावसाळी वेळापत्रकानुसार सोमवारी सकाळी साडे आठ वाजता मडगाव येथून 10104 अप मांडवी एक्‍सप्रेस उद्घाटनाच्या फेरीला निघेल. या उद्घाटनप्रसंगी कोकण रेल्वेचे रत्नागिरी येथील पहिले प्रवासी प्रा. उदय बोडस मडगाव येथे उपस्थित राहणार आहेत.
1996 पासून कोकण रेल्वेवर उद्घाटनाच्या गाडीने प्रवास करण्याची त्यांची ही 21 वी वेळ आहे. रविवारी (ता.9 ) 10103 डाऊन मांडवी एक्‍सप्रेस गोव्यात गेली की त्या गाडीचे डबे सेवेतून बाहेर काढले जातील म्हणून त्या शेवटच्या फेरीने बोडस रत्नागिरी- मडगाव प्रवास करून सोमवारी सकाळी मडगाव- रत्नागिरी मार्गावर उद्घाटनाचा प्रवास करणार आहेत. जास्त प्रवासी क्षमता आणि जास्त सुविधा या मुळे डब्याची लांबी वाढल्याने मांडवी व कोकण कन्या एक्‍सप्रेस ची डब्यांची संख्या 24 वरून 22 पर्यंत कमी झाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.