कोर्टाच्या दणक्यानंतर धाबे दणाणले, शिंदेंसह अजितदादांचे पदाधिकारीही पोलिसांसमोर शरण; १३ जणांना अटक

महाड, ता. २४ (बातमीदार) : महाड नगरपालिकेत मतदानाच्या दिवशी झालेल्या हाणामारीप्रकरणी विकास गोगावले यांच्या अटकेनंतर दुसऱ्या गटातील राष्ट्रवादी काँग्रेसचे युवक प्रदेश उपाध्यक्ष सुशांत जाबरे यांच्यासह अन्य पाच जणही पोलिस ठाण्यामध्ये शरण आले आहेत.
महाड नगरपालिकेसाठी २ डिसेंबरला मतदान सुरू असताना मतदान केंद्राबाहेर मोठा राडा झाला होता. यात शिवसेना शिंदे गटाचे मंत्री भरत गोगावले यांचा मुलगा तर राष्ट्रवादी काँग्रेस युवक प्रदेश उपाध्यक्ष आमने सामने आले होते.