Maharashtra Budget 2021: सिंधुदुर्गच्या मेडिकल कॉलेजसाठी अर्थसंकल्पीय तरतूद

सिंधुदुर्ग : गेली अनेक वर्षे प्रतीक्षेत असलेले सिंधुदुर्ग जिल्ह्यातील वैद्यकीय महाविद्यालयाची स्थापना आता पूर्णत्वास येणार आहे. राज्य शासनाने  उपमुख्यमंत्री आणि अर्थमंत्री अजित पवार  यांनी  आज मांडलेल्या अर्थसंकल्पात सभागृहात सादर करत असताना सिंधुदुर्ग येथे नवीन वैद्यकीय महाविद्यालय सुरू करणार असल्याची घोषणा केली आहे. यामुळे या ठिकाणच्या वैद्यकीय सुविधेत भर पडणार आहे. 

शासना मार्फत आज जाहीर केलेल्या अर्थसंकल्पात आरोग्यविषयक अनेक तरतुदी करण्यात आल्या आहेत.  राज्यातील अन्य जिल्ह्याच्या ठिकाणी असलेल्या वैद्यकीय महाविद्यालया प्रमाणे कोकणामध्ये ही वैद्यकीय महाविद्यालय सुरु व्हावे अशी मागणी करण्यात आली होती. गेली अनेक वर्ष निवडणुकीत  या विषयाची वारंवार घोषणा होत होती. मात्र प्रत्यक्षात या ठिकाणी वैद्यकीय महाविद्यालय सुरू होण्याचे  स्वप्नच राहिले होते.

हेही वाचा- विक्रांत आलेकर यांना सुवर्णपदक; 3 तासांत कापले 72 किमी अंतर -

 आघाडी सरकारने आज मांडलेल्या अर्थसंकल्पात सिंधुदुर्ग जिल्ह्याला न्याय देताना या ठिकाणी एमबीबीएस कॉलेज सुरू करण्याची घोषणा केली आहे. त्यामुळे जिल्ह्याच्या वैद्यकीय सुविधेत या महाविद्यालयांनी आणखीन भर पडणार आहे. त्याचबरोबर कोकणातील विद्यार्थ्यांना आता आपल्या जिल्ह्यात वैद्यकीय शिक्षण पूर्ण करता येणार आहे.