Konkan Pune Highway : कोकण-पश्चिम महाराष्ट्राचा संपर्क तुटला! ताम्हिणी, भोर अन् आंबेनळी घाट बंद झाल्याने चाकरमान्यांवर मोठे संकट; शेकडो किलोमीटरचा मारावा लागणार वळसा!

खेड : गेल्या काही दिवसांपासून सुरू असलेल्या मुसळधार पावसामुळे कोकण आणि पश्चिम महाराष्ट्राला जोडणाऱ्या प्रमुख घाटमार्गांची स्थिती अत्यंत बिकट झाली आहे. महाड-पुणे मार्गावरील महत्त्वाचा दुवा असलेल्या ताम्हिणी घाटात रस्ता खचल्याची घटना घडली (Konkan Pune highway closure news) आहे. खबरदारीचा उपाय म्हणून प्रशासनाने ताम्हिणी घाटातील वाहतूक पूर्णपणे बंद केल्यामुळे कोकणातून पुण्याच्या दिशेने ये-जा करणाऱ्या वाहनधारकांचे मोठे हाल होत आहेत.