'खासदारांसह दोन्ही आमदारांमुळेच मेडिकल कॉलेज'

medical college demands helping two MLA contribution also counted in ratnagiri said uday samant
medical college demands helping two MLA contribution also counted in ratnagiri said uday samant

ओरोस (रत्नागिरी) : जिल्ह्यात शासकीय मेडिकल कॉलेज मंजूर होण्यासाठी खासदार विनायक राऊत, आमदार दीपक केसरकर, आमदार वैभव नाईक यांचे मोठे श्रेय आहे. मंजूरी मिळण्यापूर्वी दोन दिवस खासदार राऊत व आमदार नाईक यांनी अहोरात्र मेहनत घेतली. आमदार नाईक यांनी तर रायगड जिल्ह्यात मंजूर झालेल्या मेडिकल कॉलेजच्या फाईलमधील पत्र आणून अधिकाऱ्यांना रायगड जिल्ह्यात मंजूर होते तर सिंधुदुर्ग जिल्ह्यात का होत नाही? असा प्रश्‍न केला. त्यामुळे हे मेडिकल कॉलेज मंजूर होवू शकले, अशी माहिती पालकमंत्री उदय सामंत यानी पत्रकार परिषदेत दिली.

यावेळी पालकमंत्री सामंत म्हणाले, 'जिल्ह्यात मेडिकल कॉलेज व्हावे, ही गेल्या 30 वर्षांपासुनची मागणी होती, मात्र कोणी लक्ष दिले नाही. काहींना वेळ मिळाला नाही; परंतु जिल्ह्यातील शिवसेना खासदार व आमदार यांच्या समन्वयातून ते शक्‍य झाले आहे. माझा यात खारीचा वाटा आहे. कोणाला श्रेय घ्यायचे असेल तर घेवू दे, मला त्याचे वाईट वाटणार नाही. याबाबत आदेश काढताना 3 वर्षांत मेडिकल कॉलेजसाठी आवश्‍यक सुविधा उभारण्याचे नमूद केले आहे. तोपर्यंत जिल्हा रुग्णालयात मेडिकल कॉलेज सुरु होईल.'

खासदार नारायण राणे यांनी जिल्हा नियोजन निधितील मंजूर कामांची यादी बदलून विरोधी पक्षाची कामे कमी केल्याचा आरोप केला होता. यावर बोलताना मंत्री सामंत यांनी, याबाबत खासदार राणे यांची कामे असल्यास पत्र द्यायला सांगा, असे जिल्हाधिकारी यांना सांगितले आहे. निधी कमी आला आहे. त्यामुळे कामे कमी केलेली आहेत, मात्र केवळ एकाच मतदार संघातील कामे कमी केलेली नाहीत. तिन्ही मतदार संघातील कामे कमी केली असल्याचे सांगितले.

संपादन - स्नेहल कदम 
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com