चिपळूण -‘तुम्हाला तुमच्या गावात आणण्यात मी यशस्वी झालो. याचे मला समाधान आहे. गाव तुमचे, गावातील माणसेही तुमची. पण क्वारंटाईन व्हा नंतर गावात जा. हे तुमच्या आणि गावच्या सुरक्षेसाठी गरजेचे आहे. असे आवाहन आमदार भास्कर जाधव यांनी गुहागरात येणार्या चाकरमान्यांना मार्गताम्हाने येथील चेकपोस्टवर केले.
चेकपोस्टवरील शासकीय कर्मचारी आणि चाकरमान्यांची कोणतीही गैरसुविधा होणार नाही याची काळजी आमदार जाधव यांनी घेतली. चाकरमान्यांचे स्वागत करताना त्यांना बाटलीबंद पाणीही पुरविले.
कोकणातील चाकरमान्यांना त्यांच्या गावात जाण्यासाठी परवानगी द्या अशी मागणी आमदार भास्कर जाधव यांनी सुरवातीपासूनच मुख्यमंत्री उद्धव ठाकरे यांच्याकडे केली होती. त्यांच्या पाठपुराव्यानंतर कोकणात चाकरमानी येण्यास सुरवात झाली आहे. गुहागरमध्ये येणार्या चाकरमान्यांची नोंद घेण्यासाठी मार्गताम्हाने येथे चेकपोस्ट उभारण्यात आले आहे.आमदार जाधव यांनी आज सकाळी या चेकपोस्टला भेट दिली. सकाळी चेकपोस्टपासून काही अंतरावर चाकरमान्यांच्या शेकडो वाहनांची रांग लागली होती. कुटूंबातील एक सदस्य नोंदीसाठी उन्हात रांगेत उभा होता. उर्वरित चाकरमानी गाडीत आणि मिळेल तेथे सावली शोधून बसले होते. त्यांच्यासह चेकपोस्टवरील कर्मचार्यांची होणारी गैरसोय आमदार जाधव यांच्या लक्षात आली. लांबचा प्रवास करून आलेल्या चाकरमान्यांना प्राथमीक विधी करता याव्यात यासाठी त्यांनी पुरूष आणि महिलांसाठी ग्रीननेटच्या माध्यमातून स्वतंत्र शौचालयाची व्यवस्था केली. अर्ध्या तासात बाटलीबंद पाण्याचे 250 हून अधिक बॉक्स त्यांनी चेकपोस्टवर मागवले. प्रत्येकाला पाण्याची बाटली देवून आमदार जाधव यांनी चाकरमान्यांची तहान भागवली.
हे पण वाचा - सावधान : होम क्वारंटाईन शिक्क्यामुळे हाताला फोड
शिवसैनिकांना केले मदतीचे आवाहन
वयोवृद्ध, लहान मुले, गरोदर माता कोणत्याही प्रकारचा त्रास होणार नाही याची काळजी शासकीय कर्मचार्यांसह शिवसेनेच्या कार्यकर्त्यांनी. शुगर किंवा इतर आजार असलेल्या चाकरमान्यांच्या मदतीला प्रथम धावा असे आवाहनही त्यानी कार्यकर्त्यांना केले.
भास्कर जाधव हेच माझे पास
काहींना जिल्हाधिकारी कार्यालयाकडून दिलेल्या ई पासमध्ये अनेक चुका होत्या. त्यामुळे चेकपोस्टवर शासकीय कर्मचारी चाकरमान्यांची अडवणूक करायचे. चाकरमानी आमदार जाधव यांना फोन करून आपली अडचण सांगायचे. त्यानंतर आमदार जाधव चेकपोस्टवरील कर्मचार्यांना सोडण्याची सूचना करायचे. अशा प्रकारे काहींनी जिल्ह्यात प्रवेश केला. यातीलच एक रामपूर येथील सुरेंद्र चव्हाण पासाशिवाय पुण्याहून गुहागरला आले. मार्गताम्हाने येथील चेकपोस्टवर त्यांच्याकडे पासची मागणी करण्यात आली तेव्हा भास्कर जाधव हेच माझ्यासाठी पास असल्याचे त्यांनी सांगितले. शासकीय कर्मचार्यांनी चव्हाण यांची माहिती घेवून त्यांना क्वारंटाईन होण्यासाठी टोकन दिले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.