सिंधुदुर्ग : नियती कोणाला सोडत नाही. याच जन्मात ह्या कुटुंबाला हिशोब द्यावा लागेल, अशा शब्दात व्टिट करत माजी खासदार निलेश राणे यांनी ठाकरे कुटुंबाला पुन्हा लक्ष केले आहे.
सुशांतसिंग रजपूत प्रकरणावरून सध्या आरोपप्रत्यारोप सुरू आहे. माजी मुख्यमंत्री नारायण राणे यांनी या प्रकरणाबाबत शिवसेना आणि अप्रत्यक्षरित्या आदित्य ठाकरेंवर टिका केली होती. हे प्रकरण सध्या सीबीआयकडे तपासासाठी आहे. सर्वोच्च न्यायालयात या प्रकरणातील संशयीत असलेल्या रिया चक्रवर्ती हिने दाखल केलेल्या याचीकेवर सुनावणीही सुरू होती. यावर आज हा तपास सीबीआयकडे द्या असा आदेश न्यायालयाने दिला आहे.
या प्रकरणी माजी खासदार निलेश राणे यांनी याआधीही आरोप केले होते. आज सकाळी आमदार नितेश राणे यांनी व्टिटरव्दारे टिका केली होती. त्यापाठोपाठ माजी खासदार निलेश राणे यांनीही पुन्हा व्टिट करत ठाकरे कुटुंबाला टिकेचे लक्ष केले आहे. त्यांनी या व्टिटमध्ये म्हटले आहे की, आयुष्यभर एका कुटुंबाने वाटेल त्याची वाट लावली. बदनामी केली, शिव्या घातल्या, हजारो कुटुंब उध्वस्त केली; पण नियती कोणाला सोडत नाही...ह्याच जन्मात ह्या कुटुंबाला हिशोब द्यावे लागणार. मनाला वाट्टेल तसे हे कारटे वागले; पण आता लोकांकडून फटके खायची वेळ आली.
संपादन - अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
