Mumbai-Goa Highway Accident : मुंबई-गोवा महामार्गावर भीषण अपघात, 15 फूट खोल दरीत थार कोसळून तिघांचा जागीच अंत; बहिणीला सोडायला जाताना दुर्घटना

सावंतवाडी : मुंबई-गोवा महामार्गावर नेमळे-एरंडोकवाडी येथे चारचाकी १५ फूट खोल खाईत कोसळून तिघे ठार (Sawantwadi car crash news) झाले. यात दोन महिलांचा समावेश असून, दोघे गंभीर जखमी झाले. सालिगाव-गिरी (गोवा) येथून भिरवंडेकडे (कणकवली) जाताना हा प्रकार घडला. विलासिनी जगन्नाथ सातार्डेकर (वय ६९, रा. भिरवंडे कणकवली), श्रीमती पांडुरंग नानोडकर (वय ६३) व पांडुरंग विष्णू नानोडकर (६५, दोन्ही रा. गिरी-गोवा) अशी मृतांची नावे आहेत. ही घटना काल (ता.२२) दुपारी सव्वादोनच्या दरम्यान घडली.