दाभोळ - गणपतीपुळे पश्चिमवाडी (ता. दापोली) येथे एका मुलाने आपल्या जन्मदात्या मातेचाच आज दुपारी साडे बाराच्या सुमारास कोयतीने मानेवर घाव घालून खून केल्याची घटना घडली. अरुण गंगाराम इंदुलकर (वय 43), असे त्या निर्दयी मुलाचे नाव आहे.
याबाबत दापोली पोलिसांनी दिलेल्या माहितीनुसार, गणपतीपुळे पश्चिमवाडी येथे अरुण गंगाराम इंदुलकर (वय 43) हा आई शेवंताबाई (वय 70) हिच्यासह राहतो. त्याचे वडील सैन्यात असलेल्या दुसऱ्या भावाकडे राजस्थान येथे राहतात. आज दुपारी अरुणने आपल्या आईचा गळा कापून खून केला. त्यानंतर तो घराच्या ओटीवर बसून राहिला, त्यानंतर त्याने शेजारच्या घरात जाऊन आई मेली, असे सांगितले. थोड्या वेळाने शेजारी आले व विचारू लागले तेव्हा अरुण म्हणाला, "मला आईचा राग आला, तिला ठार मारले. शेजाऱ्यांनी घरात जाऊन पाहिले असता शेवंताबाई रक्ताच्या थारोळ्यात पडल्याच्या दिसून आल्या. तिची मान कापलेली होती. तत्काळ याची माहिती दापोली पोलिसांना देण्यात आली. पोलिस निरीक्षक राजेंद्र पाटील, उपनिरीक्षक मोहन पाटील, सहाय्यक पोलिस उपनिरीक्षक शांताराम रहाटे यांनी घटनास्थळी धाव घेतली. या प्रकरणी पोलिसांनी संशयित अरुणला खुणासाठी वापरलेल्या कोयतीसह ताब्यात घेतले. उपनिरीक्षक मोहन पाटील पुढील तपास करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
