अवघ्या काही मिनिटांत रत्नागिरीत पुन्हा लागले नवे बॅनर

रत्नागिरी - केंद्रीय मंत्री नारायण राणे (narayan rane) यांची जनआशिर्वाद यात्रा रत्नागिरीत दाखल होण्यापूर्वी मारुती मंदिर सर्कल येथे काही समाजकंटकांनी बॅनर फाडले. हे बॅनर फाडल्यानंतर खरेतर थोडी धावपळ झाली. परंतु काही मिनीटांतच भाजपच्या कार्यकर्ते, पदाधिकाऱ्यांनी नवे बॅनर येथे लावून आपली ताकद दाखवून दिली आहे. भाजपची ताकद रत्नागिरीमध्ये (ratnagiri news) आणि आता केंद्रीय मंत्री नारायण राणे यांचे पूर्ण पाठबळ असल्यामुळे भाजपमध्ये चैतन्याचे वातावरण आहे. (konkan update)

केंद्रीय मंत्री नारायण राणे आता वांद्री येथे पोहोचले असून तिथून पुढे निवळी येथे भव्य सत्कार करण्यात येणार आहे. तिथून पुढे ३ च्या दरम्यान रत्नागिरीत दाखल होणार आहेत. सर्व नियोजित कार्यक्रम संपन्न होणार आहेत. त्यामुळे भाजपचे (BJP) कार्यकर्तेही मोठ्या प्रमाणावर ठिकठिकाणी दाखल झाले आहेत.