सचिन वाझेंनी वर्षा बंगल्यावर वास्तव्य केले ;  राणेंचा खळबळजनक दावा

सिंधुदुर्ग : सचिन वाझेंनी वर्षा बंगल्यावर वास्तव केले असा खळबळजनक दावा नारायण राणे यांनी आज (रविवार) एका वृत्तवाहिनीशी बोलताना केला. परमबीर सिंह यांनी गृहमंत्री अनिल देशमुख यांच्यावर पत्राद्वारे आरोप केलेत. या पार्श्वभूमीवर नारायण राणे यांनी मुख्यमंत्री उद्धव ठाकरे यांच्यावर घणाघाती हल्ला केला आहे. 

आज (रविवार) एका वृत्त वाहिनीशी बोलताना राणे म्हणाले, सर्वात पहिला तर मुख्यमंत्र्यांचा राजीनामा घेतला पाहिजे. परमबीर यांच्या तक्रारीनंतर मुख्यमंत्र्यांनी कारवाई का केली नाही असा प्रश्न ही त्यांनी उपस्थित केला. परमबीर सिंह यांनी गृहमंत्री यांच्यावर नाही तर ठाकरे सरकारवर आरोप केले आहेत. आयुक्त काय करताहेत हे गृहमंत्र्यांना माहित नाही का असाही टाेला राणेंनी लगावला आहे.

हेही वाचा- मुश्रीफ भडकले :  भाजपची सोची समझी चाल ; परमबीर सिंह यांची केंद्र सरकारशी हातमिळवणी

आयुक्तांच्या पत्राची चौकशी करायला एवढा वेळ लागतो.

 पुढे राणे म्हणाले, वाझें यांनी वर्षा बंगल्यावर वास्तव्य केले होते. ते गृहमंत्र्यांना नाहीतर मुख्यमंत्र्यांना नियमित माहिती पुरवत होते. वाझें यांनी कोणासाठी आणि का एन्काउंटर केले आहेत याची माहिती माझ्याकडे आहे असा दावा ही केला आहे.सचिन वाझे यांना मर्डर केसमध्ये वाचवण्याचं काम मुख्यमंत्र्यांनी केलं. परमबीर सिंग यांनी मुख्यमंत्र्यांनाही माहिती दिली होती. मग मुख्यमंत्र्यांनी ती माहिती मिळताच अनिल देशमुखांवर कारवाई का नाही केली? त्यांना मुख्यमंत्र्यांनी का निलंबित केलं नाही? असे ट्टिट ही त्यांनी केले आहे.

संपादन- अर्चना बनगे