Pali Sudhagad Struggle Committee members submit a memorandum to the local administration opposing the proposed property tax hike.
esakal
पाली: अष्टविनायक तीर्थक्षेत्र पाली शहरातील प्रलंबित नागरी समस्या आणि प्रस्तावित घरपट्टी करवाढी विरोधात नागरिक आक्रमक झाले आहेत. प्रशासनाचा मनमानी कारभार आणि करवाढीचा बोजा लादण्याच्या निषेधार्थ येत्या २ नोव्हेंबर २०२६ रोजी पाली नगरपंचायतीवर भव्य मोर्चा काढण्यात येणार आहे. पाली सुधागड संघर्ष समितीच्या नेतृत्वाखाली पुकारण्यात आलेल्या या आंदोलनासंदर्भात आज नगरपंचायत, पोलीस स्टेशन आणि तहसील कार्यालयाला अधिकृत निवेदन देण्यात आले आहे.
