Pali News : भरवस्तीत आले दुर्मिळ खवले मांजर; तरुणांनी रक्षण करत वनविभागाकडे केले सुपूर्द

पाली - माणगाव मधील खांदाड येथे शुक्रवारी (ता.18) रात्री साधारण साडेनऊच्या सुमारास भरवस्तीत दुर्मिळ खवले मांजर आढळून आले. येथील तरुणांनी खवले मांजराचे रक्षण करत वनविभागाकडे सुपूर्द केले. यावेळी वन्यजीव अभ्यासक शंतनु कुवेसकर यांनी खवले मांजराबद्दल तरुणांना मार्गदर्शन केले. .याबाबत सविस्तर माहिती अशी की खांदाड गावातील तरुण राजू पवार हे आपली मोटारसायकल घेऊन सोनभैरव मंदिराकडे जात असताना गावाजवळ वस्तीलगत त्यांना एक अनोळखी विचित्र वन्यजीव जमिनीवर दिसून आला, त्यानंतर राजू पवार व त्यांचे मित्र शशिकांत पवार हे हा वन्यजीव कोणता आहे हे पाहण्यासाठी थांबले, मंदिर परिसरात गावकीची मीटिंग असल्यामुळे गर्दी जमली होती आणि हा वन्यजीव कोणता आहे याबद्दल कुतूहल निर्माण झाले..त्यामुळे त्वरित ग्रामस्थांनी माणगावचे वन्यजीव अभ्यासक शंतनु कुवेसकर यांना संपर्क साधला. वन्यजीव अभ्यासक शंतनु कुवेसकर तातडीने येथे पोहोचले व त्यांनी वनविभागालादेखील याबद्दल त्वरित माहिती दिली, वनरक्षक येथे पोहोचेपर्यंत कुतूहलापोटी जमलेल्या खांदाड गावच्या सर्व तरुणांना व ग्रामस्थांना खवले मांजर या प्राण्याची ओळख पटवून देत या प्राण्याबद्दल जनजागृती करत शंतनु कुवेसकर यांनी जनजागृतीपर मार्गदर्शन केले..त्यानंतर रात्री वनविभागाचे उपवनसंरक्षक शैलेंद्रकुमार जाधव व सहाय्यक उपवनसंरक्षक रोहित चौबे यांच्या मार्गदर्शनाखाली माणगावचे वनपरिक्षेत्र अधिकारी प्रशांत शिंदे यांच्या सूचनेप्रमाणे उपस्थित वनपाल डी. एस. सुभेदार, वनरक्षक वैशाली भोर, पवन चौधरी संतोष पिंगळा, राणी लिंबोरे, वाहनचालक विवेक जाधव यांच्यामार्फत पुढील योग्य ती कार्यवाही करून खवले मांजरास सुरक्षित ठिकाणी त्याच्या नैसर्गिक अधिवासात सोडण्यात आले आहे. असे वनविभागाकडून कळवण्यात आले..पूर परिस्थितीचा परिणामखांदाड गावात व गावाच्या आजूबाजूच्या परिसरात खवले मांजर कायमस्वरूपी राहण्यायोग्य कोणताही नैसर्गिक अधिवास उपलब्ध नाही. त्यामुळे हे खवले मांजर सध्याच्या पूर परिस्थितीमध्ये काळ नदीच्या पूर प्रवाहात पश्चिमेकडील घनदाट जंगलांच्या पट्ट्यातून कुठून तरी वाहून येथे आल्याची शक्यता वन्यजीव अभ्यासक शंतनु कुवेसकर यांनी वर्तवली आहे..इंडियन पँगोलिन म्हणजेच खवले मांजर हा जीव जगातील सर्वात जास्त तस्करी होणारा प्राणी असून, खूप संवेदनशील आहे, वन्यजीव संरक्षण कायद्यात त्याला सर्वोच्च दर्जाचे स्थान तसेच सर्वोच्च दर्जाचे संरक्षण प्राप्त आहे, सदरच्या वन्यजीवाला कोणत्याही प्रकारची हानी न पोहोचवता खांदाड गावच्या ग्रामस्थांनी त्याचे रक्षण करून वन्यजीव संरक्षणाचे अतिशय स्तुत्य कार्य केले आहे.- शैलेंद्रकुमार जाधव, उपवनसंरक्षक.पूरपरिस्थितीत वन्यजीवांचीदेखील वाताहत होऊन पुराच्या पाण्यामुळे वन्यजीव गावांमध्ये मानव वस्तीनजीक आडोश्यासाठी येतात किंवा भरकटतात, कोणत्याही प्रकारचा वन्यजीव मानव वस्तीत आपल्या निदर्शनास आल्यास, वन्यजीवांस कोणतीही हानी न पोहोचवता त्वरित स्थानिक वनविभागास संपर्क साधावा.- रोहित चौबे, सहाय्यक उपवनसंरक्षक.खवले मांजराचे निसर्गात अनन्यसाधारण महत्व असून ते नैसर्गिक परिसंस्थांचा एक महत्त्वाचा भाग आहे, नैसर्गिक कीटक नियंत्रक आणि अधिवास सुदृढ राखण्यासाठी निसर्गात मोलाचे काम खवले मांजर करते.- शंतनु कुवेसकर, वन्यजीव अभ्यासक, माणगाव.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Pali News : भरवस्तीत आले दुर्मिळ खवले मांजर; तरुणांनी रक्षण करत वनविभागाकडे केले सुपूर्द

Related Stories