रत्नागिरी : रत्नागिरी पालिकेने कोरोना विरोधातील लसीकरणामध्ये मोठी मजल मारली आहे. गेल्या सहा महिन्यांमध्ये पालिकेने २७ हजार ८२१ जणांचे लसीकरण केल्याची नोंद पालिकेत झाली आहे. महामारीच्या काळात पालिकेतील शिवसेनेच्या सत्ताधाऱ्यांनी शहरवासीयांच्या सुरक्षेच्यादृष्टीने मोफत लसीकरणाचे महत्ताचे पाऊल आहे. त्यामुळे शहरात कोरोना संसर्गाला चाप बसला आहे.
रत्नागिरी पालिका आणि जिल्हा आरोग्य विभाग यांच्या संयुक्त विद्यमाने पालिकेत शहरातील ज्येष्ठ, दिव्यांग व अन्य नागरिकांसाठी पालिकेत लसीकरण केंद्र सुरू केले होते. कोरोनाचे थैमान सुरू होते. नागरिकांमध्ये प्रचंड भिती होती. त्यामुळे महामारीपासून संरक्षण होण्यासाठी शासनाने लसीकरण सुरू केले तसेच नागरिकांना ह्युमिनिटी वाढवण्यासाठी उपाययोजना करण्याचे आवाहन केले. मास्क, सॅनिटायझर आणि सामाजिक अंतर बंधनकारक केले होते. बाधित आणि मृत्यूचे प्रमाण वाढत असल्याने लवकरात लवकर लस मिळावी यासाठी नागरिकांची धडपड सुरू होती.
त्यात ऑनलाइन नोंदणी अनिवार्य केल्याने लस घेण्यासाठी गर्दी होत होती. मेस्त्री हायस्कूलमध्ये तर चेंगराचेंगरीचा प्रकार झाला. त्यामुळे पालिकेने शहरातील नागरिकांना लस मिळावी यासाठी मंत्री उदय सामंत यांच्या पुढाकाराने पालिका आणि आरोग्य विभागाच्या संयुक्त विद्यमाने लसीकरण केंद्र सुरू केले. याला सुरवातीला विरोध झाला; मात्र नागरिकांची गरज आणि सुरक्षेचा विचार करून विरोध झुगारून पालिकेने सुरवातीला फिरते केंद्र सुरू केले. त्यानंतर पालिकेच्या संत गाडगेबाबा सभागृहात हे केंद्र सुरू ठेवले.
नगराध्यक्ष बंड्या साळवी यांच्या मार्गदर्शनाखाली आरोग्य सभापती निमेश नायर यांच्यावर केंद्राची जबाबदारी होती. पालिकेचे कर्मचारी जितेंद्र विचारे आणि गणेश पाडाळकर, आरोग्य कर्मचारी यांच्या पुढाकाराने शहरात लसीकरणाचा मोठा पल्ला गाठला आहे. २ जून २०२१ ला ही मोहीम सुरू झाली. आजच्या तारखेपर्यंत शहरातील २७ हजार ८२१ जणांचे लसीकरण झाल्याची नोंद झाली आहे. यामध्ये कोविशिल्डची मात्रा घेणारे २३ हजार १४८ तर कोवॅक्सिनची मात्रा घेणारे ४ हजार ६७३ जण आहेत.
ओमिक्रॉनमुळे गर्दी वाढली
कोरोनाचा संसर्ग कमी झाल्याने आणि जिल्ह्यातील बाधितांचा आकडा शून्यावर आल्याने अनेकांनी लसीकरणाकडे दुर्लक्ष केले होते. केंद्रावरील कर्मचाऱ्यांना लसीकरणासाठी नागरिकांची प्रतीक्षा करावी लागत होती; मात्र ओमिक्रॉन हा नवा व्हेरिएन्ट आल्याने नागरिकांमध्ये पुन्हा भितीचे वातावरण आहे. पालिकेच्या केंद्रावर पुन्हा गर्दी वाढली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
