Ratnagiri Municipal Building Issue: माझ्या केबिनमध्ये ‘म्युझिकल फॅन’!; नायर यांचे इमारतीच्या दर्जावर बोट; ‘एसी’ही अजब

रत्नागिरी: पालिकेच्या नवीन इमारतीत ‘म्युझिकल फॅन’ लावले आहेत, एसीची तर कमाल आहे. एका ठिकाणी बंद केला की, इतर ठिकाणचेही एसी बंद होतात. रंगकाम अतिशय निकृष्ट दर्जाचे आहे. पेवरब्लॉकना लेव्हल नाही, अशाप्रकारे कमी दर्जाचे काम ठेकेदार कंपन्यांनी केले; पण त्या ठेकेदार कंपन्यांबरोबर आमचाही करेक्ट कार्यक्रम झाला, अशी उपहासात्मक टिपणी पाणी सभापती निमेश नायर यांनी करत इमारतीच्या कामाच्या दर्जाची खिल्ली उडवली. ही गंभीर बाब असून, प्रशासन आणि सत्ताधाऱ्यांनी दर्जेदार काम करून घेण्याबाबत सर्वसाधारण सभेत एकमताने निर्णय घेतला.