Ratnagiri : पोलिस अधीक्षकांकडून बंदोबस्ताचा आढावा | Sakal
sakal

बोलून बातमी शोधा

ratnagiri

Ratnagiri : पोलिस अधीक्षकांकडून बंदोबस्ताचा आढावा

रत्नागिरी : गणेशोत्सवाच्या पार्श्वभूमीवर जिल्ह्यात पोलिस बंदोबस्त तसेच कोरोना खबरदारीबाबत जिल्हा पोलिस अधीक्षक डॉ. मोहितकुमार गर्ग यांनी या बंदोबस्ताचा गुरुवारी आढावा घेतला. त्यांनी रत्नागिरी रेल्वे स्थानकावर जाऊन तेथील कामाची पाहणी केली. गणेशोत्सवाच्या निमित्ताने मोठ्या संख्येने चाकरमानी गावामध्ये दाखल होत आहेत. कोरोनाचे संकट कायम असल्याने केवळ कायदा आणि सुव्यवस्थाच नाही तर कोरोनाची खबरदारी घेणेही आवश्यक झाले आहे. त्यासाठी जिल्हा प्रशासनबरोबरच आरोग्य विभाग आणि पोलिस विभागही सज्ज झाले आहे.

पोलिस विभागाकडून महामार्गावर आणि रेल्वे स्थानकावर पोलिसांचा बंदोबस्त ठेवण्यात आला होता. या बंदोबस्ताची डॉ. गर्ग यांनी पाहणी केली. पाहणीत रेल्वे स्थानकावरील सीसीटीव्ही सुरू आहेत का, याची माहिती घेतली. कोरोना चाचणी करणाऱ्या कर्मचाऱ्यांशीही त्यांनी संवाद साधला तसेच पार्किंग व्यवस्था, एसटी बसेस, येणाऱ्या-जाणाऱ्या प्रवाशांच्या मार्गाचीही पाहणी केली.

Web Title: Ratnagiri Review Of Security By Sp

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..