कुडाळ - खासदार विनायक राऊत यांच्यावर काही तुरळक विरोधक टीका करतात; परंतु खासदार विनायक राऊत यांनी या लोकसभा मतदार संघाचा बॅ. नाथ पै व प्रा. मधु दंडवते यांचा आदर्श वारसा चालु ठेवल्याने भाजपच्या केंद्रीय नेतृत्वाला खासदार विनायक राऊत यांची लोकप्रियता असल्यानेच कौतुक केले. या कौतुकाने आम्हा शिवसैनिकांची मान उंचावली आहे, अशी प्रतिक्रिया शिवसेना पदाधिकारी अतुल बंगे यांनी व्यक्त केली.
श्री. बंगे म्हणाले, ""खासदार राऊत यांच्यावर कोणीतरी टीका करावी आणि आम्ही गप्प रहावे, अशी जर समजुत कोणाची असेल तर ती चुकीची असेल. कारण आम्हा शिवसैनिकांना खासदार राऊत यांची शिकवण आहे. आपण टीकेला उत्तर लोकांची कामे करुन दिली पाहीजेत. त्यामुळे आपली लोकप्रियता कमी होत नाही. म्हणूनच भाजपच्या केंद्रीय नेतृत्वाखाली आलेल्या चिपी एअरपोर्ट कमिटीच्या खासदारांनी खासदार राऊत यांचे भरभरून कौतुक केले आहे. खासदार राऊत यांचे काम आम्हा शिवसैनिकांना प्रोत्साहनात्मक असते.
आज या लोकसभा मतदारसंघाला बॅ. नाथ पै, प्रा. मधु दंडवते यांचा वारसा लाभला तोच वारसा खासदार राऊत चालवत असून तोंडामध्ये आणि वागण्यामध्ये साजेशे गुण आणि संस्कार खासदार राऊत यांच्याजवळ आहेत. याचा आम्हा शिवसैनिकांना सार्थ अभिमान आहे.''
संपादन - धनाजी सुर्वे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
