दोन दिवस बाजारपेठ बंद, पण कोणती?

Sawantwadi Market closed for two days
Sawantwadi Market closed for two days

सावंतवाडी (सिंधुदुर्ग) - कोरोनाच्या पार्श्‍वभूमीवर सावंतवाडी तालुका बाजारपेठ शनिवार (ता.21) आणि रविवारी (ता.22) संपूर्ण दिवस बंद राहील. यानंतर दिवसआड बाजारपेठ बंद ठेवली जाणार आहे. तालुका व्यापारी, उद्योजक व व्यावसायिक संघाने उत्स्फूर्तपणे हा निर्णय घेतल्याचे अध्यक्ष जगदीश मांजरेकर यांनी आज सांगितले. 

कोरोनामुळे खळबळ उडाली आहे. प्रादूर्भाव रोखणे हाच त्यावरचा उपाय आहे. यासाठी गर्दी टाळणे आवश्‍यक आहे. या पार्श्‍वभूमीवर व्यापारी संघाने तहसीलदार राजाराम म्हात्रे यांच्याशी चर्चा केली. तहसीलदारांनी शनिवार, रविवार व त्यापुढील म्हणजेच सोमवारपासून एक दिवस आड बाजारपेठ बंद ठेवण्याबाबत मुद्दा मांडला.

पंतप्रधान नरेंद्र मोदी यांनी रविवारी "जनता कर्फ्यू'चा निर्णय घेतला आहे. त्यामुळे रविवारी बाजारपेठ बंद ठेवण्याबाबत तहसीलदार म्हात्रे आणि व्यापारी उद्योजक यांच्याशी चर्चा झाल्यावर निर्णय घेण्यात आला आहे, असे ेमांजरेकर यांनी सांगितले. यावेळी बाळासाहेब बोडेकर, सुमंगल कालेकर, श्रीपाद चोडणकर, अभय पंडित आदी उपस्थित होते. 

तालुक्‍यातील बाजारपेठ सोमवारी (ता. 23) सुरू राहील व त्यानंतर एक दिवस आड संपूर्ण बाजारपेठ बंद राहील. याची सर्व व्यापारी बांधवांनी व नागरिकांनी नोंद घ्यावी. व्यापारी बांधवांनी सरकारला सहकार्य करावे, कारण ही राष्ट्रीय आपत्ती आहे, असे श्री. मांजरेकर यांनी सांगितले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com