श्रीवर्धन एसटी आगाराच्या बसचा अपघात

लोणारे - श्रीवर्धन एसटी आगाराची म्हसळा - धनगरमलई - बोर्लीपंचतन या बसचा ब्रेक निकामी झाल्याने नागलोली येथे हा अपघात झाला. चालकाने प्रसंगावधान राखत बस दरीत जाता जाता वाचवली. त्यामुळे काणतीही जीवित हानी झाली नाही. परंतु, आठ विद्यार्थी किरकोळ जखमी झाले.

बसमध्ये शाळकरी विद्यार्थी होते. त्यांच्यावर बोर्ली पंचतन येथील प्राथमिक आरोग्य केंद्रात उपचार सुरू आहेत. श्रीवर्धन आगारात अनेक बस जुनाट असून अनेकदा बस मध्येच बंद पडणे, ब्रेक फेल होणे अशा घटना घडल्या आहेत.