कोकणवासीयांसाठी गुड न्यूज: आता मुंबईला धावणार एसटी

दाभोळ(रत्नागिरी): (Dabhol)राज्यात कोरोनाचा (Covid 19) प्रादुर्भाव वाढल्याने दापोली आगारातून सुटणाऱ्या एसटी बसेस (ST buses)बंद करण्यात आल्या होत्या. मात्र आजपासून तालुकांतर्गत बसेसची सेवा सुरू करण्यात आली असून मंगळवारपासून (ता. २५) मुंबई (Mumbai)मार्गावरील बसेस सुरू करण्यात येणार असल्याची माहिती दापोलीच्या आगार व्यवस्थापक रेश्‍मा मधाळे यांनी दिली. (ST-bus-start-from-Dapoli-to-Mumbai-information-by-Depot-Manager-Dapoli-Reshma-Madhale)

दापोली बसस्थानकातून सकाळी ७.३० व ९.१५ वाजता दापोली बरोंडी मार्गे कोळथरे व परत, सकाळी ८ वाजता दापोली दाभोळ, ९.१५ वाजता दाभोळ दापोली, १२.३० वाजता दापोली दाभोळ उंबर्लेमार्गे सुटणार आहे. दुपारी १.४५ वाजता दापोली-दाभोळ-कोळथरे-बुरोडीमार्गे परत येईल. दुपारी १२.३० वाजता दापोली बुरोंडी कोळथरेमार्गे दाभोळ ही बस दुपारी २.१५ वाजता दाभोळ-उंबर्लेमार्गे परत दापोलीला येईल. सकाळी ७.००, ९.००, दुपारी ३.३० वाजता दापोली-पाजपंढरी, तर दुपारी १ वाजता दापोली-हर्णै बस सुटणार आहे. सकाळी ८.३० व दुपारी ३.३० वाजता दापोली-पालगडमार्गे मंडणगड, सकाळी ८.३० वाजता दापोली-रत्नागिरी बस सुटेल. हीच बस दुपारी २ वाजता रत्नागिरी येथून दापोलीसाठी सुटणार आहे.

हेही वाचा- आजरा - आंबोली रस्त्यावर टस्कराने पाडले माडाचे झाड; वाहनधारकांची होतेय कसरत

२५ मे पासून मुंबई मार्गावर शिवशाही बसेस सोडण्यात येणार असून सकाळी ९.३० वाजता दापोली-नालासोपारा सुटेल, तर नालासोपारा येथून सकाळी ८.३० वाजता दापोलीसाठी सुटेल. रात्री १० वाजता दापोली-बोरिवली हीच बस बोरिवली येथून दुसऱ्या दिवशी रात्री ११ वाजता दापोलीसाठी सुटेल. सकाळी ७.४५ वाजता दापोली-पुणे चिंचवड ही बस सुटेल. परतीच्या प्रवासासाठी दुसऱ्या दिवशी सकाळी ७ वाजता ती चिंचवड येथून दापोलीसाठी सुटणार असल्याची माहिती आगार व्यवस्थापक मधाळे यांनी दिली आहे.