Ayodhya Ram Mandir : कॉलेज विद्यार्थ्यानं साध्या पाषाणावर साकारलं अयोध्येचं राम मंदिर

संगमेश्वर : अयोध्या येथे होणाऱ्या राममंदिर (Ayodhya Ram Mandir) जीर्णोद्धार सोहळ्याचे औचित्य साधून सावर्डेतील कला महाविद्यालयातील शुभम दिलीप जाधव (Shubham Dilip Jadhav) या विद्यार्थ्याने रस्त्यावरील एका साध्या पाषाणावर अयोध्या मंदिराचे चित्र काढले आहे.

हे चित्र १५ जानेवारीला सुरू झालेल्या वार्षिक कलाप्रदर्शनात प्रदर्शित केले आहे. शुभम हा कला महाविद्यालयातील मूलभूत अभ्यासक्रमातील प्रथम वर्षात शिकत आहे. या चित्राचे मूल्य त्याने पाच हजार रुपये ठेवले आहे.

ज्या कोणाला हे चित्र पाहावयाचे व विकत घ्यायचे असल्यास सावर्डे वहाळफाटा येथील गोविंदराव निकम कॉलेज ऑफ फार्मसी येथे हे प्रदर्शन होणार आहे. जास्तीत जास्त कलारसिकांनी याचा आस्वाद घ्यावा, असे आवाहन करण्यात आले आहे.