बांदा नाबर प्रशालेत बक्षीस वितरण

78823
बांदा ः कार्यक्रमाचे उद्‍घाटन करताना अतुल पईकाणे. शेजारी मंगेश कामत, डॉ. जगदीश पाटील व इतर. (छायाचित्र ः नीलेश मोरजकर)

बांदा नाबर प्रशालेत बक्षीस वितरण
बांदा, ता. २८ ः श्री मंगेश रघुनाथ कामत चॅरिटेबल ट्रस्ट, मुंबईच्या येथील व्ही. एन. नाबर मेमोरियल इंग्लिश मीडियम प्रशालेचा वार्षिक पारितोषिक वितरणाचा सोहळा उत्साहात झाला. यावेळी वर्षभरात घेतलेल्या विविध स्पर्धांची बक्षिसे विद्यार्थ्यांना देण्यात आली.
यावेळी व्यासपीठावर पईकाणे ग्रुपचे संचालक तथा अध्यक्ष अतुल पईकाणे, प्रमुख अतिथी म्हणून बांदा प्राथमिक आरोग्य केंद्राचे वैद्यकीय अधिकारी डॉ. जगदीश पाटील, डॉ. हेमंत पेडणेकर, उद्योजक भाऊ वळंजू, शशिकांत पित्रे, कामत चॅरिटेबल ट्रस्टचे अध्यक्ष मंगेश कामत, मुख्याध्यापिका मनाली देसाई आदी उपस्थित होते.
डॉ. पाटील म्हणाले की, विद्यार्थ्यांचे यश कौतुकास्पद आहे. या यशात शिक्षक, पालकांचाही वाटा आहे. प्रत्येकाने स्पर्धेच्या युगात टिकण्यासाठी सतत प्रयत्नशील राहिले पाहिजे. मुख्याध्यापिका देसाई यांनी प्रास्ताविक केले. उपमुख्याध्यापिका शिल्पा कोरगावकर, रिना मोरजकर यांनी सूत्रसंचालन केले. रसिका वाटवे यांनी अहवाल वाचन केले. दीक्षा नाईक यांनी पाहुण्यांचा परिचय करून दिला. हेलन रोड्रिक्स यांनी आभार मानले. प्रशाळेच्या स्पर्धा प्रमुख स्नेहा नाईक यांनी कार्यक्रम यशस्वी होण्यासाठी विशेष परिश्रम घेतले.