राजापूरपत्रकाराचा मृत्यू, संशयिताला पोलिस कोठडी

पत्रकाराच्या मृत्यू प्रकरणात संशयिताला पोलिस कोठडी
सकाळ वृत्तसेवा
राजापूर, ता. ८ः पत्रकार शशिकांत वारीशे यांचा अपघाती मृत्यू झाला असून या प्रकरणी मोटारचालकाविरोधात पोलिसांनी सदोष मनुष्यवधाचा गुन्हा दाखल करून अटकही केली. मोटारचालकाला पोलिस कोठडी मिळाली आहे.
अपघातप्रकरणी संशय व्यक्त केला जात असताना या पार्श्‍वभूमीवर पोलिसांनी आता त्याच्यावर भादंवि कलम ३०२ कलम लावले आहे. तालुक्यातील कोदवली येथील पेट्रोलपंपासमोर दोन दिवसांपूवी झालेल्या अपघातामध्ये मोटार चालकाने दिलेल्या धडकेत दुचाकीस्वार पत्रकार शशिकांत वारीशे हे गंभीर जखमी झाले होते. त्यानंतर त्यांच्यावर कोल्हापूर येथील रुग्णालयात उपचार सुरू असताना निधन झाल्याची घटना घडली होती. या प्रकरणी दाखल झालेल्या तक्रारीनुसार, थारचालक पंढरीनाथ आंबेरकर याच्या विरोधात राजापूर पोलिसांनी भादंवि कलम 308, 304 अन्वये गुन्हा दाखल केला आहे. त्यानंतर, त्याला अटक करून येथील न्यायालयासमोर हजर केले असता त्याला पोलिस कोठडी सुनावण्यात आली.