सुमंगल महोत्सव शोभायात्रा

सुमंगल महोत्सव शोभायात्रा

८३९४५

सुमंगल लोकोत्सवातून चळवळ उभी राहील
मुख्यमंत्री एकनाथ शिंदे; कोल्हापुरात महाशोभायात्रा; पंचगंगा नदी पवित्र पूजन
सकाळ वृत्तसेवा
कोल्हापूर , ता. १९ ः ‘‘अदृश्‍य काडसिद्धेश्वर स्वामी यांच्या संकल्पनेतून साजऱ्या होणाऱ्या सुमंगल लोकोत्सवानिमित्त महाशोभायात्रा निघाली, पंचगंगा नदीचे पूजनही झाले. गंगा आरतीसारखे मंगलमय वातावरण झाले, न भूतो न भविष्यती अशा या लोकोत्सवात लाखो लोक लोकत्सवात सहभागी होतील, यातून चळवळ उभी राहील,’’ असा विश्वास मुख्यमंत्री एकनाथ शिंदे यांनी आज येथे व्यक्त केला. कणेरी (ता. करवीर) येथील सिद्धगिरी मठावर उद्या (ता. २०) पासून सुरू होणार सुमंगल लोकोत्सवा निमित्ताने शहरातून शोभायात्रा काढली. या निमित्ताने पंचगंगानदी पवित्र पूजन मुख्यमंत्री श्री. शिंदे यांच्या हस्ते झाले तसेच सुमंगल महोत्सवाचे अनौपचारीक उद्‍घाटन झाले. यावेळी ते बोलत होते.
गांधी मैदानात आरोग्य मंत्री दीपक सावंत, पालकमंत्री दीपक केसरकर यांच्या हस्ते शोभायात्रेचे उद्‍घाटन झाले. पारंपरिक कलावंतांच्या सहभागात शोभायात्रा निघाली. मुख्यमंत्री श्री. शिंदे यांच्या हस्ते नदीचे पूजन व गंगा आरती झाली.

शोभायात्रेला उदंड प्रतिसाद
पंचमहाभूतांची तत्त्व विषद करणाऱ्या सुमंगल महोत्सवाच्या शोभायात्रेला उदंड प्रतिसाद लाभला. देशाच्या बहुविध संस्कृतींचे दर्शन यात्रेतून घडले. गुरूकुल पद्धतीच्या युद्ध कलापासून ते कलाकुसरींचे दर्शन घडविणारी नृत्य प्रात्याक्षिकांनी शोभायात्रेचा कलात्मकतेचे रूप दिले.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com