वीज बिल ऑनलाईन भरण्याला प्राधान्य
rat२७१६.txt
बातमी क्र..१६ (टुडे पान २ साठी)
वीज बिल ऑनलाईन भरण्याला प्राधान्य
राजापूर विभाग; महावितरणच्या आवाहनाला प्रतिसाद
राजापूर, ता. २७ ः विविध सोयी आणि सुविधा ऑनलाईन पद्धतीने मिळवण्याला प्राधान्य दिले जात आहे. त्यामध्ये वीज बिल भरण्यासाठीही ग्राहकांकडून ऑनलाईनला प्राधान्य दिले जात असल्याचे चित्र आहे. तालुक्यातील महावितरणच्या उपविभाग-१ मधील २६ हजार ३०० ग्राहकांपैकी सुमारे निम्म्याहून अधिक ग्राहकांकडून ऑनलाईन पद्धतीने वीज बिल भरणा केला जात आहे.
जानेवारी महिन्यात ११ हजार ९६४ ग्राहकांनी सुमारे ८० लाख ७५ हजार रुपयांचा बिल भरणा केला, तर फेब्रुवारीमध्ये ११ हजार ३११ ग्राहकांनी सुमारे ७२ लाख २४ हजार रुपयांचा ऑनलाईन पद्धतीने वीज बिल भरणा केला. तालुका विस्तारलेला असल्याने कामामध्ये सुसूत्रता यावी म्हणून वीज वितरण विभागाचे १ आणि २ असे दोन भाग केले आहेत. या दोन भागांमध्ये गावांचे विभाजन केले आहे. यापैकी विभाग १ मध्ये २६ हजार ३०० महावितरणचे विविध प्रकारचे ग्राहक आहेत. वीज बिल भरण्यामध्ये अधिक सुसूत्रता यावी आणि वसुली करणे अधिक सुलभ जावे या दृष्टीने वीज वितरण विभागाकडून ऑनलाईन पद्धतीने बिल भरण्याचे आवाहन ग्राहकांना करण्यात येत आहे.
---------
चौकट ः
दृष्टिक्षेपात राजापूर भाग -१ ची ऑनलाईन वसुली
महिना एकूण ग्राहक ऑनलाईन भरणा केलेले ग्राहक ऑनलाईन बिल भरणा रक्कम
जानेवारी २०२३ २६ हजार ३०० ११९६४ ८० लाख ७५
फेब्रुवारी २०२३ २६ हजार ३०० ११३११ ७२ लाख २४
.........
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.