सातार्डात आढळलेला मृतदेह मालवणातील कातकरी महिलेचा

सातार्डात आढळलेला मृतदेह
मालवणातील कातकरी महिलेचा
सकाळ वृत्तसेवा
सावंतवाडी, ता. १०ः सातार्डा तिठा येथे रविवारी (ता. ९) दुपारी मृतावस्थेत सापडलेल्या कातकरी महिलेची ओळख पटली आहे. सावली धर्मेंद्र पवार (वय ४७ रा. मालवण-कुंभारमाठ) असे तिचे नाव असून भावाने तिची ओळख पटविली.
सातार्डा तिठा ख्रिश्चनवाडी येथे रविवारी दुपारी अनोळखी महिला मृतावस्थेत आढळून आली होती. याबाबकती माहिती पोलिस पाटील विनीता मयेकर यांनी पोलिसांना दिली होती. पोलिस हवालदार कुडतरकर व पोलिस कॉन्स्टेबल लक्ष्मण परब यांनी पंचनामा करून मृतदेह विच्छेदनसाठी मळेवाड प्राथमिक आरोग्य केंद्र येथे पाठवत आला होता. महिला कातकरी समाजाची असल्याचे वर्णनावरून स्पष्ट होत होते; मात्र ओळख पटली नव्हती. याबाबत पोलिसांनी त्या भागात राहणाऱ्या कातकरी लोकांकडून माहिती घेतली. त्यानंतर मालवण कुंभारमाठ येथे राहणाऱ्या महिलेच्या भावाचा पोलिसांनी शोध घेतला. त्याने सातार्डा येथे येत मृत महिलेची ओळख पटविली.