प्रदीप परब यांना पोलिस सन्मान पदक

99357
प्रदीप परब

प्रदीप परब यांना
‘पोलिस सन्मान’
आचरा, ता. २९ ः पळसंब गावचे सुपुत्र आणि सध्या मुंबई भायखळा येथे हवालदार पदावर कार्यरत असलेले प्रदीप परब यांना पोलिस सेवेत बजावलेल्या कार्याची दखल घेत पोलिस सन्मान पदक जाहीर करण्यात आले. याबाबत त्यांचे सर्वत्र कौतुक होत आहे.
मुंबई पोलिस दलात १९९३ मध्ये रुजू झालेल्या परब यांनी प्रामाणिक आणि कर्तव्यनिष्ठ कर्मचारी म्हणून आपल्या कामाचा ठसा उमटवला. त्यांच्या कार्याची दखल घेत त्यांना यावर्षीचा पोलिस सन्मान पुरस्कार जाहीर झाला होता. महाराष्ट्र पोलिस विभागातील विविध प्रवर्गात उत्कृष्ट सेवा बजावणारे अधिकारी, अंमलदार, हवालदार आदींना हा पुरस्कार दिला जातो. सन्मानचिन्ह, प्रशस्तीपत्रक असे या पुरस्काराचे स्वरूप आहे. पळसंब गावच्या सुपुत्राला मिळालेल्या या सन्मानाबद्धल सरपंच महेश वरक यांनी त्यांचे अभिनंदन केले.