कारिवडेत मंगळवारपासून नाट्यमहोत्सव

कारिवडेत मंगळवारपासून नाट्यमहोत्सव
ओटवणे, ता. २९ ः श्री देव हेळेकर मंडळ कारिवडे यांच्यावतीने २ ते ६ मे या कालावधीत पाच दिवसीय दशावतार नाट्यमहोत्सवाचे आयोजन केले आहे. यात पाच निमंत्रित दशावतारी नाट्यमंडळांचा समावेश आहे. मंगळवारी (ता. २) सावरेश्वर दशावतार नाट्यमंडळ (आवेरा) यांचे ‘मलय गंधिनी’, ३ ला सिद्धेश्वर दशावतार नाट्यमंडळ (दोडामार्ग) यांचा ‘शापमुक्त’, ४ ला आजगावकर दशावतार नाट्यमंडळ (आजगाव) यांचे ‘शिर मारीले आईचे’, ५ ला जय संतोषी माता दशावतार नाट्यमंडळ (मातोंड) यांचे ‘शापित घुबड’, ६ ला बोर्डेकर दशावतार नाट्यमंडळ (दोडामार्ग) यांचे ‘देव भक्तीचा भुकेला’, असे नाट्यप्रयोग होणार आहेत. कारिवडे पेडवेवाडी शाळा नं. २ च्या रंगमंचावर होणाऱ्या या नाट्यमहोत्सवास दररोज सायंकाळी ७ वाजता प्रारंभ होणार आहे. नाट्यरसिकांनी याचा लाभ घ्यावा, असे आवाहन श्री देव हेळेकर मंडळाने केले आहे.