ठाकर कला संग्रहालयास
25 लाख अनुदान मंजूर

ठाकर कला संग्रहालयास 25 लाख अनुदान मंजूर

10069
पिंगुळी ः पद्मश्री परशुराम गंगावणे यांचे अभिनंदन करताना संजय पडते, अतुल बंगे, मंदार शिरसाट, राजू गवंडे, संदीप म्हाडेश्वर आदी. (छायाचित्र ः अजय सावंत)

ठाकर कला संग्रहालयास
२५ लाख अनुदान मंजूर
कुडाळ, ता. १८ ः पिंगुळी येथील पद्मश्री परशुराम गंगावणे यांच्या वस्तुसंग्रहालयाला २५ लाख अनुदान मंजूर झाले आहे. पिंगुळी येथील ठाकर लोककलेचे जनक पद्मश्री परशुराम गंगावणे यांनी ठाकर समाजाची लोककला साता समुद्रापार नेली. देशी-विदेशी पर्यटक मोठ्या संख्येने त्यांच्या या वस्तुसंग्रहालयाला भेट देतात. ठाकर लोककलेच्या वस्तुसंग्रहालयाला विशाल रूप प्राप्त व्हावे, यासाठी गंगावणे यांनी जिल्हा परिषदेकडे गेल्या दोन वर्षांपासून अनुदनाची मागणी केली होती. त्यांच्या या मागणीसाठी आमदार वैभव नाईक, ठाकरे शिवसेना जिल्हाप्रमुख संजय पडते यांनी शासन दरबारी पाठपुरावा केला. या सर्वांच्या प्रयत्नांना यश येऊन ठाकर लोककला वस्तू संग्रहालयासाठी २५ लाख निधी मंजूर झाला. याबाबत शिवसेना जिल्हाप्रमुख पडते, कुडाळ नगराध्यक्ष मंदार शिरसाट, शिवसेनेचे अतुल बंगे, कुडाळ ओबीसी शिवसेना शहरप्रमुख राजू गवंडे, युवा सेना शहरप्रमुख संदीप म्हाडेश्वर यांनी गंगावणे यांच्या निवासस्थानी जाऊन, तर आमदार वैभव नाईक यांनी भ्रमणध्वनीद्वारे त्यांचे अभिनंदन केले. यामुळे ठाकर समाज लोककला व वस्तुसंग्रहालय पर्यटकांसाठी पर्वणी ठरेल, असे गौरवोद्गार यावेळी आमदार नाईक काढले.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com