मसुरे केंद्रशाळेमध्ये गुरुपौर्णिमा उत्साहात

13599
मसुरे ः येथील केंद्रशाळा क्रमांक १ येथे गुरुपौर्णिमेनिमित्त शिक्षकांची पाद्यपूजा करण्यात आली.

मसुरे केंद्रशाळेमध्ये गुरुपौर्णिमा उत्साहात
मालवण, ता. ३ : जिल्हा परिषद पूर्ण प्राथमिक शाळा केंद्रशाळा मसुरे नं. १ येथे बाल विद्यार्थ्यांकडून गुरुपौर्णिमा उत्साहात साजरी करण्यात आली. यावेळी मसुरे केंद्रबल गटाचे केंद्रप्रमुख नारायण देशमुख, मुख्याध्यापिका शर्वरी सावंत, गोपाळ गावडे, विनोद सातार्डेकर, शिफा शेख, रामेश्वरी मगर, हेमलता दुखंडे आदी उपस्थित होते.
वेद व्यास व ज्ञानेश्वर माउलींच्या प्रतिमांचे पूजन करून कार्यक्रमाची सुरुवात झाली. विद्यार्थ्यांनी गुरुजनांचे पाद्यपूजन केले. निधी पेडणेकर, गौरांग दुखंडे, लावण्या दुखंडे, काव्या फरांदे, समर्थ शिंगरे, रमेश मुळये, मीहिर मसूरकर, स्वानंदी हिंदळेकर, क्रीशा दुखंडे, लतिबा सय्यद, संकेत गोलतकर, नेहा शिंगरे, मानसी पेडणेकर आदींनी गुरुची महती सांगणारी मनोगते व्यक्त केली. चैतन्य भोगले यांनी ''गुरुचरणी ठेविता भाव'' हा अभंग, मोक्षदा कातवणकर, यशस्वी कातवणकर यांनी ‘गुरु तात-माय’ हे पद सादर करून वाहवा मिळवली. दुसरीतील आयन शेख याने कवाली सादर केली. समर्थ शिंगरे, नेहा शिंगरे, संकेत गोलतकर, रिया भोगले यांनी गुरूंची चित्रे रेखाटली. या कार्यक्रमाला शालेय व्यवस्थापन अध्यक्ष शीतल मसूरकर, शिक्षणतज्ज्ञ सन्मेष मसुरेकर, माजी सरपंच लक्ष्मी पेडणेकर यांनी शुभेच्छा दिल्या. नेहा शिंगरे व सांजवी जाधव यांनी सूत्रसंचालन केले. सूरज मसूरकर यांनी आभार मानले.