‘मिनी मॅरेथॉन’ला मळगावात प्रतिसाद

70281
मळगाव ः मॅरेथॉन स्पर्धेत सहभागी महिला व उपस्थित मान्यवर.

‘मिनी मॅरेथॉन’ला मळगावात प्रतिसाद

सकाळ वृत्तसेवा
सावंतवाडी, ता. १० ः ‘सखी एक मैत्रीण स्पंदन’, या मळगाव येथील ग्रुपच्या माध्यमातून महिला दिनानिमित्त मिनी मॅरेथॉन स्पर्धा घेण्यात आली. याला महिलांचा उत्स्फूर्त प्रतिसाद लाभला. स्पर्धेचे उद्‍घाटन सामाजिक कार्यकर्त्या शुभांगी धर्म यांच्या हस्ते झाले. सकाळी सहा वाजता धर्म त्यांच्या हस्ते झेंडा दाखवून मिनी मॅरेथॉनला सुरुवात झाली. धर्म यांनी उपस्थित महिलांना मार्गदर्शन करताना शारीरिक तंदुरुस्तीसाठी व्यायाम तसेच शरीराची हालचाल व मॅरेथॉन स्पर्धेसारख्या उपक्रमाची गरज आहे. सखी ग्रुपच्या माध्यमातून घेतलेला हा उपक्रम खरोखरच कौतुकास्पद आहे. भविष्यातही असे उपक्रप राबवणे गरजेचे आहे, असे सांगितले. या स्पर्धेत सर्व सहभागी महिलांना राधारंग फाउंडेशनच्या माध्यमातून पदक प्रदान करण्यात आले.