ठाकरे शिवसेना वक्तेपदी स्वप्नील धुरींची नियुक्ती

७९८४४

ठाकरे शिवसेना वक्तेपदी
स्वप्नील धुरींची नियुक्ती
सकाळ वृत्तसेवा
वैभववाडी, ता. २५ ः ठाकरे युवासेनेचे जिल्हा चिटणीस स्वप्नील धुरी यांची रत्नागिरी-सिंधुदुर्ग लोकसभा मतदारसंघाच्या वक्तेपदी निवड करण्यात आली आहे. शिवसेना मध्यवर्ती कार्यालय मुंबई येथून शिवसेना नेते तथा सचिव अनिल देसाई यांनी त्यांची नियुक्ती जाहीर केली आहे. पुढील काही दिवस श्री. धुरी दोन्ही जिल्ह्यांतील विविध सभांमधून पक्षाची भूमिका मांडणार आहेत. श्री. धुरी हे दहा वर्षांपासून शिवसेनेचे काम करत आहेत. या आधी त्यांनी युवासेनेचे तालुका प्रमुख ते आता युवासेनेचे सिंधुदुर्ग जिल्हा चिटणीस म्हणून काम करीत आहेत. श्री. धुरी हे पुढील काही दिवस महाविकास आघाडीचे उमेदवार विनायक राऊत यांच्या विविध सभांमध्ये पक्षाची भूमिका मांडणार आहेत. महिला नेत्या जान्हवी सावंत यांच्यानंतर जिल्ह्यातील युवा नेत्याला वक्ते पदाची जबाबदारी मिळाली आहे. या निवडीनंतर श्री. धुरी यांनी पक्षांकडून मिळालेल्या या नवीन जबाबदारीचे संधी समजून काम करणार आणि या संधीच सोनं करण्याचा प्रामाणिक प्रयत्न करणार असल्याचे सांगितले. पक्षाने माझ्यावर जो विश्वास दाखवला त्याबद्दल शिवसेना पक्षप्रमुख उद्धव ठाकरे, युवासेना प्रमुख आदित्य ठाकरे, शिवसेना नेते खासदार राऊत, शिवसेना सचिव अनिल देसाई, युवासेना सचिव वरुण सरदेसाई, उपनेते अरुणभाई दुधवडकर, उपनेत्या सावंत यांचे यावेळी धुरी यांनी आभार मानले.