चिपळुणातून राऊतांचा सर्वाधिक मताधिक्य

१६ (पान ५ साठी)

चिपळुणातून राऊतांना मताधिक्य देणार

शिरीष काटकर ः काविळतळीत महाविकास आघाडीची बैठक
सकाळ वृत्तसेवा
चिपळूण, ता. २ ः शहरात होणाऱ्‍या मतदानापैकी ८० टक्के मतदान हे विनायक राऊत यांना मिळणार आहे. त्यामुळे महाविकास आघाडीचे उमेदवार विनायक राऊत यांना सर्वाधिक मताधिक्य हे चिपळूण शहरातूनच मिळणार असल्याचा विश्वास येथील महाविकास आघाडीचे समन्वयक माजी नगरसेवक शिरीष काटकर यांनी व्यक्त केला आहे.
चिपळूण शहरातील काविळतळी परिसरात महाविकास आघाडीची बैठक बुधवारी रात्री झाली. या वेळी विधानसभा क्षेत्रप्रमुख बाळा कदम, शहरप्रमुख शशिकांत मोदी,राष्ट्रवादीचे माजी नगरसेवक अविनाश केलस्कर, माजी उपजिल्हाप्रमुख राजू भागवत, वडार समाजाचे नेते हिंदुराव पवार, उपशहरप्रमुख भैय्या कदम यांच्यासह आघाडीचे पदाधिकारी, कार्यकर्ते उपस्थित होते. विनायक राऊत यांचा विजय निश्चित आहे; परंतु हा विजय विशाल झाला पाहिजे यासाठी आपल्याला काम केले पाहिजे. शेवटच्या मतदारांपर्यंत पोहचून त्यांना मतदान केंद्रापर्यंत आणण्याची जबाबदारी आपली आहे. त्यासाठी सज्ज व्हा, असे आवाहनदेखील काटकर यांनी केले. अतिशय विनम्रशील, सज्जन, निष्कलंकीत, सर्वसामान्य जनतेत मिसळणारा असा उमेदवार आपल्याला मिळाला आहे. त्यामुळे जास्तीत जास्त मताधिक्य देऊन त्यांना दिल्लीत पाठवूया, असे आवाहन राजू भागवत यांनी या वेळी केले.