कुंभार्ली घाटाचा राजा सिद्धेश पाटील ठरला मानकरी

१६ (टूडे २ साठी, सेकंड मेन)
-----------

- rat१०p२.jpg -
२४M८२७०७
चिपळूण येथे आयोजित कुंभार्ली घाटाचा राजा सायकल स्पर्धेतील विजेते .

कुंभार्ली घाटाचा राजाचा सिद्धेश मानकरी

चिपळूण सायकलिंग क्लब ; ३२० सायकलपटू सहभागी

सकाळ वृत्तसेवा
चिपळूण, ता. १० : चिपळूण सायकलिंग क्लब आयोजित कुंभार्ली घाटाचा राजा पर्व तिसरे या राष्ट्रीय सायकल स्पर्धेत पुरुष खुल्या गटात कोल्हापूरचा सिद्धेश पाटील याने १२ किलोमीटरचा कुंभार्ली घाट फक्त ३६ मिनिटे ४ सेकंदमध्ये सर केला. स्पर्धेच्या २९ किलोमीटर अंतरासाठी त्याला १ तास २ मिनिटे ४१ सेकंद एवढा वेळ लागला. तो कुंभार्ली घाटाचा राजा किताबाचा मानकरी ठरला. गेली दोन वर्षे या स्पर्धेत तो सतत दुसऱ्या स्थानावर राहत होता; मात्र यंदा त्याने हा किताब नावे केला.
या स्पर्धेत ३२० सायकलपटू सहभागी झाले होते. वीसहून अधिक राष्ट्रीय, ४ आंतरराष्ट्रीय तर २५ हून अधिक राज्यस्तरावरील खेळाडूंनी सहभाग घेतला होता. सायकलिंगमधील शिवछत्रपती पुरस्कार विजेत्या ३ खेळाडूंचादेखील यात समावेश होता. ही स्पर्धा ५ श्रेणीमध्ये विभागली गेली होती.
पुरुष खुला गट - सिद्धेश पाटील (कोल्हापूर), चिन्मय केवलरामानी (गोवा), सूर्या थातू (पुणे), तेजस धांदे (नागपूर), जिम हॅन्डर्सन (इंग्लंड). पुरुष मास्टर (३६-५० वयोगट) - विनायक गांवकर (गोवा), अल्बिनो अल्बुकर्क (गोवा), अनुप पवार (मुंबई), अर्जुन पाटील (मिरज), सतीश सावंत (पुणे). पुरुष -सीनियर (५१+ वयोगट) प्रशांत तिडके (पुणे ), रिचर्ड म्युलर (जर्मनी), संतोष पवार (पुणे ), संजय सातपुते (पुणे), मरियान डिसुझा (गोवा). पुरुष -लहान मुले ः साईराज भोईटे (सातारा), आर्यन जाधव (पलूस), राजवर्धन शिंदे (विटा), सुजल ओतारी (कोल्हापूर), करण बाळ खाडे (सातारा). महिला -खुला गट ः योगेश्वरी कदम (सांगली), साक्षी पाटील (सांगली), नेहा टिकम (पुणे), जुई नारकर (मुंबई), श्रावणी परीट (चिंचवड).
या स्पर्धेत विट्याच्या ७ वर्षीय शिवतेज वांगणेकर याने राजू मोमीन यांच्या मार्गदर्शनाखाली कुंभार्ली घाट सर करून सर्वात लहान रायडरची नोंद केली तर मुंबईच्या आर्यन कुलवडे (वय १०) याने न थांबता सलग सायकल चालवत कुंभार्ली घाट सर केला. ७७ वर्षीय निरूपमाताई भावे व ७२ वर्षाचे गजानन भातडे यांनी देखील कुंभार्ली घाट या वयात सर केला. या सर्वांना चिपळूण सायकलिंग क्लबतर्फे सन्मानचिन्ह देऊन गौरवण्यात आले.