सीएनजी पंपावर लांबच लांब रांगा

rat12p15.jpg
83109
कळंबणीः येथील सीएनजी पंपावर उभी असलेली वाहने.

उन्हाळी सुट्टीमुळे सीएनजी पंपावर रांगा
सकाळ वृत्तसेवा
खेड, ता. १२ : उन्हाळी सुट्टीसाठी कोकणात लाखो चाकरमानी दाखल झाले आहेत. मुंबई - गोवा महामार्ग वाहनांनी गजबजलेला असून मोठ्या प्रमाणावर मुंबई, पुण्याहून वाहने दाखल होत आहेत. खेडमध्ये सीएनजीचा फार मोठा तुटवडा जाणवू लागला आहे. महामार्गावर आपडे फाटा येथे असणाऱ्या सीएनजी पंपावर वाहनांच्या लांबच्या लांब रांगा पहायला मिळाल्या. मुंबई - पूणे सह अन्य ठिकाणचे चाकरमानी आणि पर्यटक कोकणात दाखल झाले आहेत.
दरवर्षीप्रमाणे यंदाही उन्हाळ्याच्या सुट्टीत मोठी गर्दी पहायला मिळत आहे. मोठ्या संख्येत वाहने आल्यामुळे रत्नागिरी जिल्ह्याचा प्रवेशद्वार असणाऱ्या खेडमध्ये सीएनजी पंपावर वाहनांच्या रांगा पाहायला मिळत आहेत. सीएनजीचा तुटवडा असल्यामुळे पाच ते सहा तास वाहने रखडत आहेत. मुंबई - गोवा महामार्गावरील आपडे फाटा येथे असणाऱ्या सीएनजी पंपाच्या बाहेर एक किलोमीटरपेक्षा लांब वाहनांच्या रांगा लागल्याने महामार्गावर इतर वाहनांना वाहतुकीला अडथळा निर्माण होत आहे.