महागाईमुळे घरांची फक्त डागडुजी

१५ (टूडे २ साठी)

- rat१३p९.jpg-
२४M८३३११
पावसाळ्यापूर्वी घरांची कौले बदलण्यास सुरवात झाली आहे.

महागाईमुळे घरांची फक्त डागडूजी
सकाळ वृत्तसेवा
संगमेश्वर, ता. १३ ः पावसाळ्यापूर्वी घरांची कौले दुरुस्तीसह इतर छोटी-मोठी कामे करण्यास सुरवात झाली आहे; मात्र यंदा महागाईमुळे नवीन घरांपेक्षा घरांचे कौले बदलण्यासह किरकोळ कामे करून घेण्यावर ग्रामस्थांचा भर आहे.
पावसाळा सुरू होण्यापूर्वी ग्रामीण भागात कौलारू घरांची दुरुस्ती केली जाते. सध्या कौलांपेक्षा पत्र्यांना प्राधान्य दिले जात आहे. वानरांचा त्रास, कौलांवर काहीही जड वस्तू पडली की ते फुटतात. त्यामुळे भरपावसात घरातील लोकांना भिजत राहावे लागते. त्यामुळे पत्रे टाकण्याकडील कल वाढत आहे; परंतु आर्थिक परिस्थिती नसेल तर आहे त्याच परिस्थितीत दुरुस्ती करून घेतली जाते. सध्या आगोटची कामे करण्यावर भर दिला जात आहे. घरांची कौले बदलण्यासह किरकोळ दुरुस्त्या केल्या जात आहेत. मे महिन्याच्या दुसऱ्या आठवड्यात ही कामे जलदगतीने करण्यात येतात. अवकाळी पावसामुळे ही कामे लवकर करण्यास सुरवात करण्यात आली असून, कोकणातील ग्रामीण भागात या कामांनी वेग घेतला आहे.