बांद्यातील कुशल, अकुशल युवकांना कंपनीत नोकरी द्या

बांद्यातील कुशल, अकुशल युवकांना कंपनीत नोकरी द्या

swt108.jpg
96154
बांदाः येथे खासगी कंपनीच्या अधिकाऱ्यांना निवेदन देताना उपसरपंच बाळू सावंत. सोबत ग्रामपंचायत सदस्य व कंपनीचे अधिकारी. (छायाचित्र ः नीलेश मोरजकर)

बांद्यातील कुशल, अकुशल
युवकांना कंपनीत नोकरी द्या
राजाराम परबः व्यवस्थापनास निवेदन
सकाळ वृत्तसेवा
बांदा, ता. १०ः बांदा-वाफोली रस्त्यावर गवळीटेम्ब येथे सुरू झालेल्या नवीन खासगी कंपनीत स्थानिक कुशल व अकुशल युवकांना नोकरीत सामावून घ्या, अशी मागणी बांदा ग्रामपंचायतीच्यावतीने उपसरपंच राजाराम उर्फ बाळू सावंत यांनी केली आहे. यासंदर्भात कंपनीच्या व्यवस्थापनाशी चर्चा करून निवेदन देण्यात आले. याठिकाणी कार्यरत असलेल्या पै काणे कंपनीच्या आवारात दुसरी खासगी कंपनी नुकतीच सुरू करण्यात आली आहे. या कंपनीला मनुष्यबळाची मोठ्या संख्येने गरज असून, कंपनीत नोकरीसाठी जास्तीत जास्त स्थानिकांना प्राधान्य देण्यात यावे, अशी मागणी करण्यात आली. यावेळी रीतसर निवेदन देखील कंपनी व्यवस्थापनाला देण्यात आले. ग्रामपंचायत कार्यालयात यासंदर्भात सविस्तर चर्चा करण्यात आली. कंपनी व्यवस्थापनाने कंपनी ही बांदा गावात सुरू करण्यात आली असून, शैक्षणिक पात्रतेनुसार अधिकाधिक स्थानिकांनाच प्राधान्य देण्याचे आश्वासन यावेळी दिल्याची माहिती सावंत यांनी दिली. यावेळी ग्रामपंचायत सदस्य जावेद खतीब, रत्नाकर आगलावे, साईप्रसाद काणेकर, आबा धारगळकर, प्रशांत बांदेकर, रुपाली शिरसाट, रेश्मा सावंत, शिल्पा परब उपस्थित होते.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com